المقابلة إنتهت

في ناس كتير بتفتكر ان الفلك ده علم مفتوح ملوش صاحب ! كل واحد تيجي فكرة على باله او يتخيل موضوع في الفلك يعتقد أنه صح ، وأنه لو فكر فيه شوية حيطلع نظرية جديدة أو اكتشاف عظيم ! ميعرفش ان الفلك ده من العلوم العريقة جدا وهو من اقدم العلوم إللي عرفها الإنسان ، وان هذا العلم وصلت فيه الدقة لدرجة متناهية مكنت العلماء من اصعاد الإنسان إلى القمر واستعادته سالما إلى الأرض مرة آخرى .. كمان فيه سفن فضاء ذهبت لأبعد الكواكب وان المحطة المدارية الدولية ISS هي أعظم عمل هندسي قام به الإنسان في الفضاء حتى الآن ، ده غير التلسكوبات الفضائية والأقمار الصناعية التي تدور حول الأرض ليل ونهار ، والتي جعلت الكثير من أمور الفلك مسلمات الآن ، والانترنت مليئ بالتفاصيل..

بعد ده كله تلاقي واحد من إياهم جاي يقوللي أن الأرض مسطحة مش كروية أو أن الأرض ثابتة لا تدور او ان القمر ده قرص مسطح في السما وليس جُرم سماوي او ان النجوم دي مجرد نقط مضيئة في السماء للزينة فقط ! ... والأغرب من كده تلاقي هذا الشخص جاي من اخر الدنيا وواخد مواصلات وطالع بتاكسي لغاية المرصد عشان يقابلني محاولا إقناعي بكلامه الفارغ اللي انتهى منه العالم من زمان ... ومع محاولاتي البائسة في إقناعه ، وحيث انني عانيت الكثير من هؤلاء ، فلهذا قررت منذ ذلك الحين عندما ياتيني أحدهم بمثل هذا الكلام ، ارد عليه ردا واحدا حاسما جازما وانا كلي قناعة وغير آسف على وقاحتي معه .. المقابلة إنتهت !!!